ខេត្តបន្ទាយមាជ័យ ៖ ម្ចាស់ផ្សារនិងក្រុមការងារ បានបើកយុទ្ធនាការបាញ់ថ្នាំសម្លាប់មេរោគផ្នែកខាងក្នុង បរិវេណនិងផ្ទះលក់ដូរក្នុងប្លុកផ្សារហ៊ុយ ឡេង នៅភូមិគោរដ្ឋានសង្កាត់អូរអំបិលក្រុងសិរីសោភ័ណ កាលពីថ្ងៃទី២២ខែកក្កដាឆ្នាំ២០២១។ ការបាញ់ថ្នាំសម្លាប់មេរោគនេះ ជាការត្រៀមលក្ខណៈសម្បត្តិ និងក៏ធ្វើឡើងមុនពេលដែលអាជ្ញាធរមានសមត្ថកិច្ចអនុញ្ញាតិឲ្យអាជីវករចូលលក់ដូរជាធម្មតាឡើងវិញនាពេលខាងមុខ។

លោលកហ៊ុយ ឡេង ប្រធានក្រុមហ៊ុនហ៊ុយ ឡេង ជោគជ័យបាននិយាយកាលពីថ្ងៃទី២២ខែកក្កដាថា ៖ កន្លងមក មេការនិងបុគ្គលិកផ្សារបានសហការជាមួយអាជ្ញាធរមានសមត្ថកិច្ចក្នុងការអនុវត្តន៏វិធានការ បង្ការ និងទប់ស្កាត់ការរាតត្បាតនៃជំងឺកូវីដ១៩ ដោយអនុវត្តវិធានរាជរដ្ឋាភិបាល៣កុំ ៣ការពារ ២អនុវត្តនិងវិធានរបស់ក្រសួងសុខាភិបាល។
ក្នុងនោះដែរ ផ្សារបានបំពាក់ឧបករណ៍វាស់កំដៅ ដាក់អោយបាញ់អាល់កុល លាងដៃនឹងអាល់កុលឬជែល ផ្តល់ម៉ាសអោយអាជីវករ ហើយតាមដានត្រួតពិនិត្យជាប្រចាំនូវការអនុវត្តជាក់ស្តែងនៃវិធានការខាងលើ ។

អាជីវករនិងអតិថិជនទាំងឡាយណា ដែលមិនព្រមអនុវត្តវិធានការណែនាំខាងលើនឹងមិនអនុញ្ញាតិអោយចេញ ចូលឬលក់ដូរក្នុងផ្សារឡើយ។

យុទ្ធនាការ ចុះបាញ់ថ្នាំសម្លាប់មេរោគ ក្នុងផ្សារនេះគឺដើម្បីបង្ការចម្លងមេរោគទៅមនុស្ស ក៏ដូចជាបង្កើនអនាម័យបរិស្ថានល្អ ដែលជាការចូលរួមចំណែកជាមួយអាជ្ញាធរមានសមត្ថកិច្ចគ្រប់លំដាប់ថ្នាក់ក្នុងការបង្ការ ទប់ស្កាត់ការរីករាលដាលនៃជម្ងឺកូវីដ.១៩និងជម្ងឺកាចសាហាវដទៃទៀតផង។ និងក៏ដើម្បីលើកកម្ពស់អនាម័យ សុខភាពពលរដ្ឋដែលជាអាជីវករនិងអតិថិជនទូទៅផង។

សូមរំលឹកថា កាលពីព្រឹកថ្ងៃទី១៨ខែកក្កដាឆ្នាំ២០២១ លទ្ធផលតេស្តរហ័សរបស់គ្រូពេទ្យជួរមុខនៅសាលាបឋមសិក្សាហ៊ុន សែនសូភីបានរកឃើញវិជ្ជមានកូវីដ១៩ ចំនួន១១នាក់។
ក្នុងនោះមានក្រុមគ្រួសារអាជីវករលក់ផ្លែឈើបោះដុំក្នុងផ្សារហ៊ុយ ឡេង៤នាក់និងអតិថិជន៣នាក់ ដែលបានឆ្លងមេរោគនេះមកពីកន្លែងផ្សេង។ នៅរសៀលថ្ងៃទី១៨ ខែកក្កដា អាជ្ញាធរមានសមត្ថកិច្ចនិងគ្រូពេទ្យជួរមុខក្រុងនិងខេត្តបានបើកការយកសំណាកអាជីវករ ,អតិថិជននិងអ្នកពាក់ព័ន្ធចំនួនជាង៤០០នាក់នៅនឹងទីតាំងផ្សារ។

ក្នុងនោះបានរកឃើញវិជ្ជមានកូវីដ១៩ ចំនួន១១នាក់ទៀត ដែលក្នុងនោះក៏មានអាជិវករខ្លះនិងអតិថិជនខ្លះនិងអ្នកប៉ះពាល់ខ្លះ។ អាជ្ញាធរបានបិទផ្សារនេះបណ្តោះអាសន្ន ហើយតម្រូវអោយអាជីវករ អតិថិជននិងអ្នកប៉ះពាល់អវិជ្ជមានត្រូវធ្វើចត្តាឡីស័ក១៤ថ្ងៃ។

ចំពៅះអាជីវករដែលលទ្ធផលតេស្តអវិជ្ជមាន នឹងអាចអោយចូលលក់ដូរឡើងវិញ លុះត្រាតែបានធ្វើចត្តាឡីស័កនិងយកសំណាកគ្រប់ចំនួនតាមការណែនាំ៕

ទុក​ឱ្យ​ឆ្លើយ​តប​មួយ

សូមបញ្ចូលមតិយោបល់របស់អ្នក!
សូមបញ្ចូលឈ្មោះរបស់អ្នកនៅទីនេះ